ឯកឧត្តម ឡាយ វណ្ណៈ អភិ បាលនៃគណៈអភិបាលខេត្តតាកែវ នៅក្នុងឱកាសដែលអញ្ជើញចូលរួម ក្នុងពិធីមហាសន្និបាតសហគមន៍ កសិកម្មកំពែងសុខសែនសំបូរ លើ សកម្មភាពការងារឆ្នាំ២០១៥ និង លើកទិសដៅការងារឆ្នាំ២០១៦ ដែលប្រារឰធ្វើឡើងនៅសាលា ឃុំកំពែងកាលពីព្រឹកថ្ងៃទី២៩ កុម្ភៈ ២០១៦ បានមានប្រសាសន៍ដោយ ពន្យល់ពាក្យសហគមន៍ដល់កសិករ ថា គឺជាចែករំលែកបទពិសោធន៍ ពីម្នាក់ទៅម្នាក់ទៀត និងការជួយ គ្នាទៅវិញទៅមកទាំងផ្នែកបច្ចេក ទេសនិងសម្ភារៈលើការងារកសិកម្ម។
ឯកឧត្តម អភិបាលខេត្តបានបន្ត ទៀតថា សហគមន៍កសិកម្ម កំពែងសុខសែនសំបូរត្រូវបានបង្កើត ឡើងក្រោមការផ្តួចផ្តើមគំនិតរបស់ ឯកឧត្តមបណ្ឌិតសភាចារ្យ សុខ អាន កាលពីថ្ងៃទី១៣ ខែមករា ឆ្នាំ២០១៥ ដែលតែងតែគិតគូរពី សុខទុក្ខរបស់បងប្អូនប្រជាកសិករ នៅមូលដ្ឋានស្រុកគិរីវង់ ក៏ដូចជា ក្រុង-ស្រុកទូទាំងខេត្តតាកែវ ប៉ុន្តែ នេះជាជំហានដំបូង គឺយើងចាប់ ផ្តើមអនុវត្តន៍នៅក្នុងឃុំកំពែង ស្រុក គិរីវង់ ដែលមានសមាជិកសរុប ២១២នាក់ នារី៨៥នាក់ និងមាន ភាគហ៊ុន សរុប៧៩៤ហ៊ុន ហើយ ក្នុង១ហ៊ុនស្មើរនឹង៥០០០០រៀល។
ឯកឧត្តម បន្ថែមថាការបង្កើត សហគមន៍នេះ គឺកើតចេញពីការ យកចិត្តទុកដាក់ពីសំណាក់ថ្នាក់ដឹក នាំរាជរដ្ឋាភិបាល ចំពោះជីវភាព របស់បងប្អូនទាំងអស់ ក៏ដូចជាឱ្យ កសិករចេះរួបរួមសាមគ្គី និងជួយ គ្នាទៅវិញទៅមកទាំងផ្នែកបច្ចេក ទេសសម្ភារៈ និងថវិកាលើការងារ ប្រចាំថ្ងៃរបស់ខ្លួន ពិសេសការ ងារដំណាំស្រូវ ដូច្នេះសូមបងប្អូន ត្រូវចេះ សហការគ្នាឱ្យបានល្អរឹង មាំ ដើម្បីធ្វើយ៉ាងណាឱ្យសហគមន៍មួយគ្នាកាន់តែរីកចម្រើន និងក្លាយជាសហគមន៍គំរូ និង ឈានមុខ ។
ឆ្លៀតក្នុងឱកាសនោះ ឯកឧត្តម ឡាយ វណ្ណៈ បានធ្វើការក្រើន រំលឹកដល់បងប្អូនប្រជាពលរដ្ឋទាំង អស់ កុំអោយចាញ់បោកជនខិល ខូចមួយចំនួនដែលតែងតែដើរបោក ប្រាស់បងប្អូនថា សូមបងប្អូនយក ប្រាក់មកដាក់ចូលសហគមន៍ និង ទទួលបានវិញនូវការប្រាក់រហូតដល់ ១០ភាគរយ ប៉ុន្តែផ្ទុយទៅវិញជា ការបោកប្រាស់សុទ្ឋសាត ។
តមកឯកឧត្តមអភិបាលខេត្ត បានបញ្ជាក់ថា សហគមន៍ កសិកម្មកំពែងសុខសែនសំបូរ មិន មែនជាសហគមន៍ដែលបោក ប្រាស់ទេ គឺជួយបងប្អូនយើងពិត ប្រាកដដែលកំពុងមានជីវភាពខ្វះ ខាតនៅពេលធ្វើកសិកម្ម ដំណាំ ស្រូវនិងដំណាំរួមផ្សំផ្សេងៗ ដែល យើងអាចផ្តល់ជូននូវជី គ្រាប់ពូជ ដំណាំផ្សេងៗនិងដើមទុនមួយចំនួន ទៀតក្នុងអត្រាការប្រាក់ទាបបំផុត។!