លោកឧត្តមសេនីយ៍ទោ អ៊ុក សំណាង ស្នងការនគរបាលខេត្ត បានធ្វើការអំពាវនាវ ក៏ដូចជាការ ព្រមានផងដែរ ដល់មន្ត្រីនគរបាល ទូទាំងខេត្តតាកែវ ត្រូវតែគោរព ច្បាប់មុនគេ ដើម្បីធ្វើជាគំរូអោយ ប្រជាពលរដ្ឋនៅក្នុងខេត្តយក តម្រាប់តាម ។
លោកស្នងការខេត្តតាកែវ អ៊ុក សំណាង បានមានប្រសាសន៍បន្ត ថា កន្លងមកយើងសង្កេតឃើញ មន្ត្រីនគរបាលខេត្តតាកែវមួយចំនួន បានផឹកស៊ី បើកបរទាំងស្រវឹង ជិះម៉ូតូគ្មានកញ្ចក់ មិនពាក់មួក សុវត្ថិភាព ជាដើម ។ ពួកគេ សំអាងខ្លួនជាមន្ត្រីនគរបាលគ្មាន អ្នកណាហ៊ានចាប់ឬផាកពិន័យ។ ក៏ប៉ុន្តែចាប់ពីពេលនេះ តទៅការ អនុវត្តន៍ច្បាប់ មិនមានការរើស អើងថាប្រជាពលរដ្ឋ ឬមន្ត្រីនគរ បាលនោះទេ ។ ប្រជាពលរដ្ឋ ដែលបើកបរខុសនិងច្បាប់ចរា-ចរណ៍ និងត្រូវពិន័យតាមច្បាប់ ដោយឡែកមន្ត្រីនគរបាល ដែល ដឹងច្បាប់ហើយ មិនគោរពច្បាប់ ក៏ត្រូវពិន័យ ហើយថែមទាំងថត រូបផ្ញើមកកាន់ស្នងការដ្ឋានដើម្បី ដាក់ទណ្ឌកម្មបន្ថែមទៀតផង ។
លោកស្នងការខេត្តតាកែវ បាន មានប្រសាសន៏បន្ថែមថា ក្រៅពី អនុវត្តន៏ច្បាប់ដើម្បីធ្វើជាគំរូឱ្យ ប្រជាជនយកគំរូតាម មន្ត្រីនគរ បាលយើង ក៏ត្រូវប្រាប់ដល់ក្រុម គ្រូសារញាតិសន្តានរបស់ខ្លួនឱ្យ គោរពច្បាប់ ហើយបើមានបញ្ហា អ្វីលើបងប្អូនខ្លួនឯង មិនត្រូវអន្តរា គមន៍នោះទេ គឺទុកអោយច្បាប់ ជាអ្នកដោះស្រាយ ពោលវប្បធម៌ ឬប្រពៃណីអន្តរាគមន៍មិនត្រូវឱ្យ មានបន្តទៅទៀតនោះទេ ៕