កណ្តាល ៖ ឯកឧត្តម ឡេង វី អនុរដ្ឋលេខាធិការក្រសួងមហាផ្ទៃអញ្ជើញជាអធិបតីភាពប្រកាសតែងតាំង លោក អភិបាលស្រុកស្អាង ខឹម ចន្ទ័គិរី ផ្លាស់ទៅកាន់តំណែងជាអភិបាលរងខេត្តកណ្តាល(ជាមន្ត្រីចំណាត់ថ្នាក់ ទី៥)ខេត្ត្តកណ្តាលកាលពីព្រឹកថ្ងៃទី ១៩ ខែមេសា ឆ្នាំ២០១៦ នៅសាលប្រជុំសាលាខេត្តកណ្តាល។
វត្តមានអញ្ជើញចូលរួមជាភ្ញៀវកិត្តិយសមានឯកកឧត្តម ម៉ៅ ភារុណ អភិបាលនៃគណៈអភិបាលខេត្តកណ្តាលព្រមទាំងប្រតិភូអមដំណើរ និងមន្ត្រីរាជការជុំវិញសាលាខេត្តជាច្រើនរយនាក់ចូលរួមផងដែរ ។
លោក ប្រាក់ វីក្រា អគ្គនាយកដ្ឋានរដ្ឋបាល និងហិរញ្ញវត្ថុនៃក្រសួងមុខងារសាធារណៈបានឲ្យដឹងថា យោងតាមសេចក្ដីប្រកាសតែងតាំងរបស់ក្រសួងមហាផ្ទៃបានសម្រេចប្រកាស តែងតាំងលោក ខឹម ចន្ទ័គិរី អតីតៈជាអភិបាល នៃគណៈអភិបាលស្រុកស្អាង ដែលបានផ្លាស់មកកាន់តំណែង ជាអភិបាលរងខេត្តកកណ្តាលជំនួសលោក ជឹម សុខខុន ដែលត្រូវចូលនីវត្ត។
ឯកឧត្តម ម៉ៅ ភារុណ អភិបាលខេត្តកណ្តាលបានមានប្រសាសន៏ថាការប្រកាស់តែងតាំងលោក ខឹម ចន្ទ័គិរីមកកាន់តំណែងជាអភិបាលរងខេត្តកណ្តាលនាថ្ងៃនេះ ដើម្បីបញ្ជាក់ពីសមត្ថភាពមន្ត្រីល្អមានស្នាដៃមានកាំល្អនិងដើម្បី បំរើការងារទៅមុខការពារផលប្រយោជន៏មន្ត្រីរាជការក្នុងខេត្តកណ្តាល ។ល។
លោកបានបញ្ជាក់ថា មន្ទីមុខងារសាធារណៈថ្មីនេះ នៅពុំទាន់មានទីតាំងថ្មីសម្រាប់ធ្វើការងារនោះទេប៉ុន្តែបានសុំ ខ្ចីការិយាល័យរបស់មន្ទីផែនការខេត្តដើម្បីចូលធ្វើការងារ ។
លោកបានបន្តថា សូមឲ្យមន្ត្រីសាលាខេត្តកណ្តាលត្រូវសហការគ្នាជាមួយនិងមន្ត្រី គ្រប់មន្ទីអង្គភាពពាក់ពន្ធ័ផ្នែកមុខងាររដ្ឋបាលក្នុងខេត្តកណ្តាល និង អភិបាលរងដែលបានផកលាស់ឡើងមកថ្មីមក ធ្វើការងារថ្នាក់ជាអភិបាលរង់ខេត្តកណ្តាលត្រូវរក្សាសាមគ្គីភាព ឲ្យបានល្អ។
លោក ខឹម ចន្ទ័គិរី អភិបាលរងខេត្តកណ្តាលបានប្ដេជ្ញាចិត្តអនុវត្តគោរពស្រលាញ់ ស្មោះស្ម័គ្រជាតិសាសនាព្រះមហាក្សត្រ ចូលរួមអនុវត្តន៍គោលនយោបាយរបស់រាជរដ្ឋាភិបាលកម្ពុជាអណត្តិទី៦ អនុវត្តន៏បំពេញការងារបស់ខ្លួននិងកិច្ចសហការឲ្យបានល្អជាមួយ មន្ទីរស្ថាប័នពាក់ព័ន្ធនៅក្នុងខេត្តកណ្តាល ។
ឯកឧត្តម ឡេង វី អនុរដ្ឋលេខាធិការក្រសួងមហាផ្ទៃនិងជាតំណាងដ៏ខ្ពង់ខ្ពស់សម្តេច ក្រឡាហោម ស ខេង ឧប្បនាយករដ្ឋមន្ត្រីក្រសួងមហាផ្ទៃបានមានប្រសាសន៏ណែនាំ ដល់លោក ខឹម ចន្ទ័ គិរី អភិបាលរងខេត្តកណ្តាលត្រូវខិតខំបំពេញតួនាទី ភារកិច្ចរបស់ខ្លួនដើម្បីការពារនិងផ្ដល់ផលប្រយោជន៏ពិតប្រាក់ដល់ មន្ត្រីរាជការ ក៏ដូចជាប្រពលរដ្ឋក្នុងខេត្តកណ្តាល ៕
