ក្នុងរយៈពេលបីសប្តាហ៍ក្នុងខែ មេសា ឆ្នាំ២០១៦នេះ សមត្ថ កិច្ចនគរបាលចរាចរណ៍បានបញ្ជូន មនុស្សចំនួន២២នាក់ ទៅស្ថាប័ន តុលាការ បន្ទាប់ពីអ្នកទាំងនោះ ត្រូវបានរកឃើញថា បានបើកបរ ស្ថិតក្រោមជាតិស្រវឹង និងប្រើប្រាស់ ល្បឿនផ្ទុយពីច្បាប់កំណត់ ។
ក្នុងរបាយការណ៍របស់គណៈ កម្មាធិការជាតិសុវត្ថិភាពចរាចរណ៍ ផ្លូវគោក ចេញផ្សាយថ្ងៃទី២១ ខែមេសា ឆ្នាំ២០១៦ បានបង្ហាញ ថា នគរបាលបានឃាត់រថយន្ត លើសល្បឿនកំណត់បានចំនួនជាង ៣០០០គ្រឿង និងមនុស្សស្រវឹង បានជិត៦០០នាក់ ក្នុងនោះមាន មនុស្ស២២នាក់ ត្រូវបញ្ជូនទៅ តុលាការ ។
ក្នុងរបាយការណ៍ដដែលបន្តថា នគរបាលបានធ្វើការពិន័យយាន យន្តជិត៥០០០គ្រឿង ក្នុងនោះ រថយន្ត ចំនួន៣០ភាគរយ និងម៉ូតូ ចំនួន៧០ភាគរយជាមួយនឹងប្រាក់ ពិន័យជាង៧.០០០លានរៀល។
លោក គង់ សុវណ្ណ នាយក ប្រចាំប្រទេសរបស់អង្គការសម្ព័ន្ធ អន្តរជាតិដើម្បីទប់ស្កាត់គ្រឿង ស្រវឹង បានសម្តែងការសាទរ ចំពោះលទ្ធផលដែលនគរបាល សម្រេចបានខាងលើនេះ ។ លោក បន្តថា នេះគឺជាសារទៅកាន់ ប្រជាពលរដ្ឋ ដើម្បីឱ្យមានស្មារតី ចូលរួមគោរពច្បាប់ចរាចរណ៍ ចៀសវាងប្រឈមមុខចំពោះច្បាប់។
លោកក៏បានអំពាវនាវឱ្យសមត្ថ កិច្ចនគរបាលចរាចរណ៍ដាក់ផែន ការរៀបចំជាមុននូវយុទ្ធសាស្ត្រ សម្រាប់កាត់បន្ថយគ្រោះថ្នាក់ ចរាចរណ៍នៅក្នុងពិធីបុណ្យជាតិ សំខាន់ៗនាពេលខាងមុខនេះ ដូច ជាបុណ្យអុំទូក និងបុណ្យភ្ជុំបិណ្ឌ ដែលតែងតែកើតមានគ្រោះថ្នាក់ និងជនរងគ្រោះច្រើន ។
គួរបញ្ជាក់ថា គិតត្រឹមរយៈ ពេលបីសប្តាហ៍រហូតមកដល់ ខែមេសាឆ្នាំ២០១៦នេះ ដែល ភ្ជាប់ជាមួយព្រឹត្តិការណ៍បុណ្យ ចូលឆ្នាំខ្មែរផង មានគ្រោះថ្នាក់ ចរាចរណ៍កើតឡើងនៅទូទាំង ប្រទេសមានចំនួន២៧២លើក បណ្តាលឱ្យមានមនុស្សស្លាប់ចំនួន ១៣៣នាក់ រងរបួស៥៣២នាក់ ក្នុងនោះខេត្តកំពង់ចាម មាន គ្រោះថ្នាក់ច្រើនជាងគេ បន្ទាប់ មកគឺខេត្តព្រៃវែង និងខេត្តបាត់ ដំបង ។!
