ដោយអនុវត្តន៍តាមបទបញ្ជានិងការណែនាំចង្អុលបង្ហាញរបស់លោកឧត្តមសេនីយ៍ទោ អ៊ុក សំណាង ស្នងការនគរបាលខេត្តតាកែវ ឲ្យមន្ត្រីនគរបាលនៅក្រោមឱវាទនៅតាមបណ្តាស្រុក ប៉ុស្តិ៍ នករបាលទាំងអស់ទូទាំងខេត្ត អនុវត្តន៍ឲ្យបាននូវគោលនយោបាយភូមិ-ឃុំមានសុវត្ថិភាពទាំង៩ ចំណុចរបស់រាជរដ្ឋាភិបាលនោះ អធិការនគរបាលស្រុកត្រាំកក់ បានចាត់ឲ្យលោកវរសេនីយ៍ត្រីចេង ចិត្រា អធិការរងនគរបាលស្រុក ចុះសហការជាមយយនាយប៉ុស្តិ៍នគរបាលទាំង១០នៃស្រុកត្រាំកក់ ដើរប្រមូល និងដកហូតកាំភ្លើងកែច្នៃ ឬកាំភ្លើងខ្យល់ពីប្រជាពលរដ្ឋមករក្សាទុកបានចំនួន៩៧ដើម ។
លោកវរសេនីយ៍ត្រីចេង ចិត្រា បានមានប្រសាសន៍ថា ដោយយល់ ឃើញថា កាំភ្លើងកែច្នៃ(កាំភ្លើង ខ្យល់)ជាប្រភេទអាវុធហាមឃាត់ ដោយច្បាប់ ហើយអាវុធប្រភេទ នេះអាចបាញ់សម្លាប់មនុស្ស និង សត្វបាន ទើបលោកបានចាត់ បញ្ជាឱ្យកម្លាំងក្រោមឱវាទ ចុះ សហការជាមួយនគរបាលតាម បណ្តាលប៉ុស្តិ៍ទាំងអស់ទូទាំងស្រុក ចុះប្រមូលនិងដកហូតយកមករក្សា ទុកឬបំផ្លាញចោល បង្ការកុំឱ្យ ប្រជាពលរដ្ឋយកទៅប្រើប្រាស់បង្ក ឱ្យមានគ្រោះថ្នាក់ដល់មនុស្ស ។
ទង្វើរបស់សមត្ថកិច្ចនគរបាល ខាងលើនេះ ត្រូវបានទទួលមកនូវ ការអបអរសាទរយ៉ាងក្រៃលែងពី សំណាក់ប្រជាពលរដ្ឋនៅតាមមូល ដ្ឋាន ពីព្រោះបើបណ្តែតបណ្តោយ ឱ្យមានការកែច្នៃយកទៅប្រើប្រាស់ យ៉ាងអនាធិបតេយ្យនៅក្នុងភូមិ ឃុំរបស់ពួកគាត់នោះ ពួកគាត់ ពុំមានការសប្បាយចិត្តឡើយ ព្រោះអាវុធនេះមិនត្រឹមតែសម្លាប់ ជីវិតសត្វប៉ុណ្ណោះទេ សូម្បីតែ ជីវិតមនុស្សក៏អាចបាញ់សម្លាប់ បានយ៉ាងងាយផងដែរ ។!