ខេត្តកណ្តាលៈដោយបានអនុវត្តតាមការណនាំពីលោកឧត្តមសេនីយ៍ត្រីឈឿន សុចិត្តស្នងការនគរបាលខេត្តនិងលោកវរសេនីយ៍ឯកព្រុំសំណាងអធិការស្រុកកៀនស្វាយដឹកនាំកម្លាំងចុះបង្គ្រាបគ្រឿងញៀនដោយបានឃាត់ខ្លួនជនសង្ស័យ២នាក់ដែលហេតុការណ៍នេះបានកើតឡើងនៅថ្ងៃអង្គារ១២កើត ខែជេស្ឋឆ្នាំជូតទោសក័ព.ស២៥៦៤ ត្រូវថ្ងៃទី០២ខែមិថុនា ឆ្នាំ២០២០វេលាម៉ោង១៦:៣០នាទីនៅត្រង់ចំណុចៈភូមិរទាំងឃុំភូមិធំស្រុកកៀនស្វាយខេត្តកណ្ដាល។
លោកព្រុំ សំណាងបានឲ្យដឹងថាៈមាន ជនសង្ស័យ០២នាក់ ប្រុស១/ឈ្មោះ ឈៀង ផាន់ណៃភេទប្រុស អាយុ៣២ឆ្នាំជនជាតិខ្មែរមុខរបរពុំពិតប្រាកដមានលំនៅភូមិរទាំងឃុំភូមិធំ ស្រុកកៀនស្វាយ ខេត្តកណ្ដាល (ឃាត់ខ្លួន) ២/ ឈ្មោះណុប រ៉ូម៉ា ភេទប្រុសអាយុ ២៦ឆ្នាំជនជាតិខ្មែរមុខរពុំពិតប្រាកដ មានទីលំនៅភូមិ ឃុំជាមួយគ្នា (ឃាតខ្លួន)។
ចំពោះវត្ថុតាងចាប់យកបានរួមមាន៖
១/ ថ្នាំងញៀនចំនួន ០៥កញ្ចប់តូច
២/សម្ភារះវេចខ្ចប់ និងប្រើប្រាស់ថ្នាំញៀនមួយចំនួន ។
លោកអធិការស្រុកកៀនស្វាយបន្តថាៈកំលាំងប៉ុស្តិ៍នគរបាលរដ្ឋបាលភូមិធំបានសហការណ៍ជាមួយកំលាំងប្រជាការពារ និងកម្លាំងប្រឆាំងគ្រឿងញៀនស្រុក ធ្វើការល្បាតតាមគោលដៅស្មុគស្មាញ ក្នុងភូមិសាស្រ្តឃុំភូមិធំពេលល្បាតមកដល់ចំនុចភូមិរទាំងឃុំភូមិធំស្រុកកៀនស្វាយ ខេត្តកណ្តាល ស្រាប់តែបានឃើញជនសង្ស័យ០២នាក់ គឺ ឈ្មោះណុប រ៉ូម៉ា និង ឈ្មោះឈៀង ផាន់ណកំពុងអង្គុយនៅក្នុងរោងទុកចោល ឃើញដូច្នេះកំលាំងនគរបាលប៉ុស្តិ៍ឆែកឃើញថ្នាំញៀនចំនួន ០៥កញ្ចប់សំភារះ វេចខ្ចប់និងប្រើប្រាស់ថ្នាំញៀនមួយចំនួន ។
បន្ទាប់មកក៏បាននាំខ្លួនជនសង្ស័យនិង វត្ថុតាងមកប៉ុស្តិ៍នគរបាលរដ្ឋបាលភូមិធំដើម្បីសួរនាំ។ នៅចំពោះមុខសមត្ថកិច្ចជនសង្ស័យ បានឆ្លើយសារភាពថា:ថ្នាំញៀន(ម៉ាទឹកកក)ខាងលើពិតជារបស់ខ្លួនពិតប្រាកដមែន ហើយខ្លួនបានទិញពីឈ្មោះម៉ាប់ភេទប្រុសប្រហែល២៨ឆ្នាំ ជនជាតិខ្មែរមុខរបរពុំពិតប្រាកដនៅម្ដុំផ្សារសូរិយារាជធានីភ្នំ ពេញមួយកញ្ចប់តម្លៃ១០០០០០៛ (ដប់ម៉ឺនរៀល)យកមកវិចខ្ចប់ជាកញ្ចប់តូចៗដើម្បីលក់បន្តនិងប្រើប្រាស់ខ្លួនឯងផង។
ក្រោយពីសួរនាំរួចកម្លាំងសមត្តកិច្ចក៏បានបញ្ជូនខ្លួនជនសង្ស័យទាំងពីររួមទាំងវត្ថុតាងមកកាន់អធិការរដ្ឋាននគរបាលស្រុកកៀនស្វាយដើម្បីចាត់ការតាមនិតិវិធី។@ ជា អេងឡុង @